“La nueche de los muertos vivientes” pieslla L’Arribada-Vagamar

L’Arribada 2010 pon fin esti sábadu a la estaya Vagamar. Esti eventu zarra cola presentación de ‘La Bufanda’ de David Artime y la proyección de “La nueche de los muertos vivientes” el primer llargumetraxe tornáu al asturianu.

El Centru Cultural Antiguu Institutu de Xixón va ser l’escenariu pa pesllar una selmana d’actos onde la cultura n’asturianu foi la protagonista. El sábadu 25 dende les 18 hores David Artime va presentar la novela ‘La Bufanda’, va haber una tertulia sobre’l treslláu de la lliteratura al cine de los muertos vivientes y, pa zarrar a les 19.15, la proyección de “La nueche de los muertos vivientes”, primer película tornada a la llingua asturiana.

'Night of the living dead', títulu orixinal de la película, doblóse al asturianu nel estudiu de grabación CMG y ye un productu de Gonzali Producciones. Participaron nel doblaxe y la so post-producción un equipu de 20 persones; 14 dobladores, un direutor de doblaxe, 1 asesor llingüísticu, 1 téunicu de realización, 1 téunicu de soníu (grabaciones y mezcles) y 2 editores d'audiu y vidiu. El tiempu total emplegáu foi de dos meses.
 
Pues ver el trailer equí