Tertulia Pachín de Melás: "Hai una llinia trazada: la rede ferroviaria asturiana"

A la vuelta del branu la Tertulia Pachín de Melás vuelve a ponese en marcha asitiando enriba la mesa un tema d'actualidá ya importancia p'Asturies: el futuru de la rede ferroviaria del país.

Sol títulu "Hai una llinia trataza: la rede ferroviaria asturiana", l'agrupación d'Unidá Nacionalista Asturiana nel conceyu de Xixón, organizadora de la tertulia, quier averase a los problemes que vive anguaño la rede ferroviaria al tiempu que va a la busca de les soluciones más afayadices de la mano d'espertos nel tema.

Na tertulia va participar Carlos García Alcalde, miembru del colectivu "Asturias en tren" y autor del artículu "¿Un Feve para el siglo XXI?" espublizáu en La Nueva España; José Luis Delgado, miembru del Sindicatu Ferroviariu; y Rubén Ardura, autor del artículu "AVE cantábricu, el mitu de la eficiencia" espublizáu na revista Atlántica XXI.

Como ye vezu nes últimes Tertulies l'alcuentru va tener llugar nel Bar Cantábrico, asitiáu énte los Xardinos de la Reina de Xixón a les 20.30 hores del próximu xueves 23 de setiembre.