Barack Obama manda pesllar Guantánamo

El recién proclamáu presidente de los EE.UU., Barack Obama, ta acabante de firmar una ordén pa piesllar la prisión de la base militar de Guantánamo nel plazu máximu d’un añu. Tamién va firmar otra orden contra l’usu de métodos coercitivos y violentos nos interrogatorios a sospechosos de terrorismu.

D’esta forma’l nuevu presidente estadounidense cumple una de les sos promeses electorales al pesllar la cárcel de Guantánamo, onde los sospechosos de terrorismu tan encarccelaos nun limbu xurídicu y ensín los derechos básicos que la llexislación norteamericana ufierta a los sospechosos de delitos. En total son 245 los sospechosos de terrorismu qu’abelluga’l centru de detención. A partir d’agora debe examinase cada casu y decidir si se llibera, estradita o procesa a los deteníos.

Sicasí estes nun fueron les úniques ordenes daes pol nuevu presidente. Otra de les midíes adoptaes por Obama ye la conxelación de los salarios de los altos cargos de l’alministración.