La plataforma aragonesa No Hablamos Catalán va manifestase'l 28 de febreru escontra la Llei de Llingües autonómica

La plataforma aragonesa No Hablamos Catalán anunció güei la so intención de manifesase'l próximu 28 de febreru en Zaragoza pa "dici-y a la izquierda aragonesa vendida a Cataluña que n'Aragón nun falamos catalán", espresando asina la so oposición a la Llei de Llingües "que quier imponer el presidente del Gobiernu aragonés, Marcelino Iglesias".
 
En rueda prensa, el presidente y el secretariu d'esta plataforma, Lorenzo Pastor y Jesús Fraile, afirmaron nun entender "cómo Iglesias quier imponer por llei el catalán n'Aragón y criticaron el "vacíu llegal indignante" qu'existe nes comarques aragoneses orientales a nivel educativu, zones nes que "instituciones de carácter separatista van pelos colexos deprendiendo a los neños que son de cultura y llingua catalana", afirmaron.
 
Pastor observó como'l Partíu Socialsita (PSOE) aragonés quier sacar alantre una Llei de Llingües "de la que tenemos el borrador y lo estudiamos, na que se diz lo mesmo, que'estes llocalidaes son de cultura y llingua catalana".
 
El sociu de gobiernu, el Partíu Aragonés (PAR) "creo que va acabar apoyándomos porque les sos bases se tán moviendo "y el Rolde Choben del PAR yá firmó'l manifiestu ellaboráu por esta plataforma a la escontra de l'actual propuesta socialista sobre la Llei de Llingües", señaló, mientres qu'el PP, pela so parte, "ta pensando si lo firma".
 
Nel casu de Chunta Aragonesista, "se comporta d'una manera indecente al nun practicar el so aragonesismu, dao qu'apoyando'l catalán van algamar eliminar les variedeas propies" de les comarques orientales. A lo último, Izquierda Unida "ta confundida", porque defender les variedaes aragoneses "nun ye prauticar l'anticatalanismu", señaló Pastor.
 
Amás d'aldericar colos partíos aragoneses esti proyeutu, "hai que facer llegar a los falantes de les llingües propies orientales l'apoyu de la sociedá aragonesa", proque "el 90% de los habitantes de la zona oriental entiende que lo que falen nun ye catalán, sinón que se llama d'otra manera y ye más antiguu qu'esta llingua".
 
Poro, la plataforma convocó una manfestación el próximu 28 de febreru, a les 12.00 hores, que va percorrer les cais de la capital aragonesa, dende la Plaza del Pilar a la Plaza d'Aragón. Asina, va llevase a les cais dalgo que la sociedá aragonesa ya ta apoyando "nun favorecer un sistema económicu d'editoriales y de formadores nel que los aragoneses poco diben tener que dicir", argumentaron.
 
Según el presidente d'esta plataforma, el PSOE aragonés "tien qu'entamar a pensar que nun se pue xugar cola sociedá como se ta xugando, porque agora ta más preparada pa facer frente a esti tipu de monstruosidaes propuestes polos personaxes que mos gobiernen", señaló'l secretariu de la Plataforma, Jesús Fraile.
 
La Plataforma No Hablamos Catalán, integrada por cuarta coletivos, creóse en Fraga, en xunu del 2008, col oxetivu de "andecha resfuerzos ente los aragoneses pa que se mos nun se mos imponga una llei de Llingües que quier Iglesias".
 
Nesti llabor, yá recoyeron casi 6.000 firmes nes tres provincies aragoneses y la so intención ye llegar a les 10.000 pa presentar una iniciativa popular nes Cortes d'Aragón. El manifiestu ellaboráu por esta platafomra pue consultase na páxina web www.nohablamoscatalan.tk
 
El manifiestu asegura que se va "votar una llei de Llingües que mos va obligar a tomar el catalán como llingua propia", cuando la "llingua mayoritaria d'Aragón ye l'español o castellán".
 
 "Na nuesa tierra se falen y tresmiten modalidaes propies aragoneses lo bastante fundamentaes pa reforzales y cuidales", señalen.
 
 Añaden que "primero foi la Confedración catalana-aragonesa; llueu la invención de la Franxa; dempués los Països Catalans; dempués l'espoliu de les obres d'arte sacru y agora hai aragoneses que quieren imponer a los nuesos fíos el catalán", dalgo a lo que "mos negamos dafechu", acaben.