Fala Ceibe quier que la Llei d’El Bierzu reconoza’l gallegu

El coleutivu de defensa del gallegu n’El Bierzu Fala Ceibe, vien de pidir a les Cortes que la reforma de la Llei comarcal incluya’l reconomientu del gallegu como llingua propia.

La organización presentó una enmienda a la Comisión d’Interior y Xusticia afirmando que l’Estatutu castellano-lleonés reconoz la protección del gallegu onde davezu s’usa. Al empar, el testu diz qu’una lleu de les Cortes va regular la comarca d’El Bierzu, “teniendo en cuenta les sos singularidaes”.

Pa Fala Ceibe, el gallegu ye una d’estes singularidaes y debe reconocese na Llei, recoyendo asina la so regulación y protección, “yá que la so oficialidá namás pordría recoyese nel Estatutu”.