Protestes na Amazonia contra la construcción de preses y carreteres

|

Cientos d'indíxenes tán axuntándose pa llamar l'atención sobre l'asesinatu de los sos líderes, el robu de les sos tierres pa proyectos industriales y otres amenaces a la so sobrevivencia.

Según informó la organización Survival Internacional nun comunicáu, la manifestación que va tener llugar del 16 al 20 d'agostu nel estáu de Mato Grosso do Sul, nel sur de l'Amazonia, y que s'espera qu'acudan unos 800 indíxenes en representación de munchos de los 233 pueblos indíxenes de Brasil.
  
De la mesma manera, la nota puntualiza que la protesta va poner de manifiestu'l "creciente enfadu" ente los pueblos indíxenes que s'oponen a los planes del Gobiernu pa construyir una serie d'enormes preses y carreteres na Amazonia. Según Survival, los guaranís, a los que se "quitó la so tierra" pa dexar pasu a les faciendes de ganáu y a los plantíos de caña d'azucre, tienen una de les tases de suicidiu más altes del mundu.
  
Los organizadores de la protesta son l'Asociación de Pueblos Indíxenes de Brasil y el Foru pola Defensa de los Derechos Indíxenes, que convidaron a participar a tolos candidatos a les elecciones presidenciales del próximu 3 d'ochobre.

Contador Estadistiques