La población asturiana va decrecer un 1,7% na próxima década según l’INE

L’Institutu Nacional d’Estadística conseña que la población asturiana va decrecer nos próximos diez años un 1,7 % según la Proyección de Población realizada pol organismu estatal, lo que supón unes 17.500 persones menos. La población inmigrante aumentará nestos años en 26.500 persones.

Nuna tendencia afitada nos últimos años, les defunciones van siguir superando a los nacimientos nel nuesu país, mientres que la llegada d’inmigrantes nun va compensar la perda de población.

A nivel estatal, si nel periodu 2002-2008 la población residente n’España creció a un ritmu añal mediu de 720.000 habitantes, nos 10 próximos años calcúlase un crecimientu mediu añal alredor de los 380.000. Sicasí, por cuenta del eleváu dinamismu demográficu de los últimos años, España superará los 49 millones de residentes en 2018.

Per comunidaes autónomes, la población crecerá de forma intensa en Castiella-La Mancha (17,5%), Rexón de Murcia (16,6%), Isles Baleares (15,9%) y Comunidá Valenciana (14,4%). A la contra, la población decrecerá aparte de n’Asturies, nel País Vascu (1,3%) y en Galicia (1,2%).