Cospedal diz que la "polémica" con Cascos nun la creó'l PP

De Cospedal aseguró que'l Comité Executivu Nacional nun trató na so xunta la posible candidatura de Cascos. Amás, sorrayó que la "polémica" sobre la candidatura nun la creó'l PP.

"Vamos Resolver la candidatura d'Asturies, xunto col PP d'Asturies cuando se considere necesario y bono pal PP d'Asturies y el PP nacional, pero non ante nengún otru tipu de noticies o de presión mediática o de nengún otru tipu", esplicó De Cospedal nuna rueda prensa tres la xunta del Comité Executivu.

Al pregunta-y sobre si l'ex vicepresidente del Gobiernu tien oportunidá de ser candidatu del PP al Principáu tres la polémica, De Cospedal dixo que ye "una polémica que, por supuesto, nun creó'l PP" y añadió qu'eso "va depender de lo que decida'l PP nacional col PP d'Asturies". "Nun hai nenguna novedá nesi tema", calcó.
  
N'asemeyaos términos espresóse esti fin de selmana'l presidente del PP, Mariano Rajoy, que, nuna entrevista nel diariu ABC afirmó que tien una "magnifica opinión" sobre l'ex vicepresidente del Gobiernu. "Pero que seya candidatu n'Asturies va depender de Cascos y de los sos compañeros de partíu", añadió.