Serbia calca en que "nunca" va reconocer a Kosovu

El vizprimer ministru serbiu, Bozidar Djelic, dixo que'l so país nunca reconocerá a Kosovu, a dos díes de que la Corte Internacional de Xusticia se pronuncie sobre la so llegalidá.

Coles mesmes, anunció que'l so Gobiernu tien previsto presentar una resolución "equilibrada" sobre esti tema ante l'Asamblea Xeneral de la ONU.
 
"Nunca, baxo nenguna circunstancia, vamos reconocer la independencia de Kosovu", declaró Djelic a los medios de comunicación llocales. Por ello, prosiguió, "Serbia ta dispuesta, darréu dempués de recibir la opinión de la CIJ, a elevar una propuesta ante l'Asamblea Xeneral de Naciones Uníes".
  
Concretamente, Belgráu va proponer ante l'Asamblea Xeneral l'aprobación d'una resolución equilibrada que reflexe claramente'l nuesu deséu d'algamar un compromisu sobre toles materies, incluyíu'l estatus (de Kosovu)". La resolución, añadió, "va demostrar la nuesa flexibilidá no que se refier a les necesidaes de la comunidá albanesa de Kosovu y del restu de les comunidaes".