Barack Obama yá ye presidente de los EE.UU.

|

El candidatu electu pol Partiu Demócrata nes pasaes elecciones de payares tomó ayer en Washington posesión del so cargu como’l 44 presidente de los EE.UU y el primer d’ellos de raza negra. Nel so primer discursu dixo que “la voluntá común impondráse al conflictu y al desacuerdu”. Con una ceremonia seguida en vivu por millones de persones finó la era Bush y entamó la d’Obama.

Barack Obama ye dende ayer el primer presidente non blancu na historia de los Estaos Uníos y amás el primeru nacíu en Hawai. Del aaterior presidente George W. Bush recibe una herencia díficil protagonizada  polos conflictos n’Irak y Afganistán y la mayor crisis económica dende’l crack del 29. Nel so discursu presidencial Obama señaló que “los desafíos que tien planteaos el nuesu país son serios. Nun será fácil, nin será rápido, pero los superaremos", añadiendo que “el mundu cambió y debemos cambiar con él”.
 

Contador Estadistiques