Día del Llibru Asturianu

L'Academia organiza cursos d'asturianu en Carreño y Gozón

|

L'ALLA y el Serviciu de Normalización del Cabu Peñes preparen pa setiembre unos cursos d'alfabetización n'asturianu, dirixíos a los vecinos d'esta comarca, y que se celebrarán en Candás. 

"Son éstos unos Cursos que tienen l'oxetu de facer llegar a los nuestros Conceyos de Carreño y Gozón, y pa toos aquellos interesaos, la meyora y perfeccionamientu de la llingua", esplicó'l Serviciu de Normalización al traviés d'una nota prensa. Con un llargor de 36 hores caún, l'horariu y repartu de les hores van concretase cola xente interesao, quedando pa ello unos díes antes del entamu del cursu y intentando igualu de la manera más afayadiza pa tola xente.
 
Sabiendo la xente apuntao pa los cursos, pa lo que se necesita un mínimu de 10 persones pa caún - ésti entamaría na mesma selmana de la xunta pa la toma contactu, que va ser pal xueves 2 de setiembre a les 18:00 y nel Centru Polivalente La Baragaña de Candás.
  
Tola información pue vese na páxina web www.faronorte.org. Pa más información pue contactase col Serviciu de Normalización Llingüística de la Mancomunidá d'El Cabu Peñes.

Contador Estadistiques