El Bloque va visitar Chile y Bolivia

El miembru de la Direición y Responsable de Movimientos Sociales y Formación del Bloque por Asturies, Ignacio González, entama un viaxe de trabayu per Chile y Bolivia.

Del 13 de xunetu al 8 d’agostu va tener reuniones con trabayadores de la minería del cobre, representantes universitarios, comunidaes indíxenes, defensores de los derechos humanos, ONGs, organizaciones de llabradores, partíos políticos y sindicatos.

“L’oxetivu d’esti viaxe ye acompañar y conocer de primer mano la realidá política, económica, social y cultural d’esta parte d’América y exponer la que se ta viviendo nel nuestru país, Asturies, agora”, indiquen dende la formación nacionalista.