El Bloque por Asturies reconoz discrepancies con Izquierda Xunida

“Nestos momentos hai diferencies polítiques grandes y profundes, esto va tener consecuencíes nel ámbitu políticu y de gobiernu”, afirmó güei Rafael Palacios.

En declaraciones feches a TPA y recoyíes por Asturies.com, el direutor de l'Axencia Asturiana de Cooperación y miembru de la Executiva del Bloque, anunció que la salidá de la formación nacionalista del Gobiernu d'Asturies diba traer consecuencies dientro de la coalición IX-BA-Verdes.

Palacios, que trabayó güei nel so despachu y diz tar a la espera del so cese, aunció que’l xueves va haber un aconceyamientu ente IX y Bloque p’analizar la situación.

El fin de la coalición ente les dos formaciones podría ser la principal consecuencia tres el desalcuerdu que se produxo tres que la Xunta Xeneral aprobaba'l retayu a los funcionarios col sofitu decisivu d'IX.

La Conseyera de Bienestar Social, Noemí Martín, declaró tamién a TPA que la salidá del Bloque por Asturies del Gobiernu abre una étapa distinta. Sicasí, prefirió esperar hasta’l xueves “pa saber lo que nos tienen que dicir”