Aznar culpa a Zapatero del "llíu" al rodiu l'Estatut

L'expresidente de Gobiernu José María Aznar achacó al PSOE y al so líder, José Luis Rodríguez Zapatero, tola responsabilidá del llíu qu'hubo estos años al rodiu l'Estatut.

Aznar cree que la sentencia del Tribunal Constitucional, anque cadeza d'escesu de 'interpretación', marca les llendes del Estáu autonómicu polo que tien de dase por concluyida la "irresponsable deriva d'inestabilidá y deterioru institucional".   
 
Na so intervención inaugural del Campus de Branu de la fundación FAES que preside, Aznar sorrayó que'l procesu estatutariu catalán foi una obra más bien chapucera d'albañilería político, de la qu'esculpa a los nacionalistes, que llevaron al país a una 'fonda poza xurídica y política'. Y too, según esplicó, motiváu pol enfotu de los socialistes de caltenese nel poder.