Tejedor y Falanoncaduca toquen nel festival vascu Mendebala Jaialdia

El folk de Tejedor y el ska-fusión de Falanoncaduca van participar el sábadu 3 de xunetu nesti eventu celebráu en Vizcaya y qu’axunta folk y rock de raigañu.

Los próximos díes 2 y 3 de xunetu va tener llugar na llocalidá de Sopuerta (Vizcaya) el Mendebala Jaialdia, un eventu que tien por oxetivu puxar pola música en vivo de bandes vasques, cántabres, asturianes y gallegues que desendolquen un soníu marcáu pola música de raigañu d’eses tierres.

Con una entrada y zona d’acampada llibre, les bandes asturianes va actuar el sábadu 3 xunto a los grupos vascos Xabi Aburruzaga y Sokaide. Artistes asturianos como Hevia y Skama la Rede yá participaron nel festival y nesta nueva edición tóca-yos el turnu a Tejedor y Falanoncaduca.

El Mendebala Jaialdia caracterízase tamién por celebrase na llende de Vizcaya con Cantabria. Ehí ye onda s’asitia una zona d’acampada llibre pa tolos asistentes a esti festival gratuitu. Amás, señalar tamién que’l eventu arranca’l vienres 2 coles actuaciones de los vascos Adarrots y Bizardunak y los gallegos Luar Na Lubre.