Día del Llibru Asturianu

Mal partíu del Sporting en Huelva

|

L’Sporting de Xixón salió derrotáu na so visita a  Huelva por 2 a 0 nun desastrosu partíu qu’amosó toles carencies del equipu asturianu, esto ye, una defensa feble y una portería poco eficaz, a lo que s’añadió esta vez poca pegada ofensiva.
 
Too ello xunío a una falta d’ambición alarmante fixo qu’un Recreativu con ganes y en bona racha punxera’l partíu cuesta arriba al Sporting dende’l primer minutu. Sicasí, los asturianos siguen na parte media de la tabla con 24 puntos.

Y ye que yá a los cinco minutos los andaluces adelantáronse nel marcador gracies a un gol en propia puerta de Jorge. A partir d’esi momentu, en cuentes de reaccionar, los xixoneses malpenes crearon peligru, limitándose a aguantar los ataques de los locales, una insistencia del Recreativo que diba tener premiu a los diez minutos de la segunda parte, cuando Adrían Colunga remató a gol nel área sportinguista tres un serie d’errores de la zaga asturiana a lo que se xuntó la poca pericia del porteru. Nos minutos finales l’Sporting intentó reaccionar de la mano de Barral, que sustituyó a un Bilic inéditu nel ataque. Sicasí,  la feble reacción sportinguista nun foi abondo pa cambiar el marcador.

L’Sporting suma una nueva derrota frente a un rival directu na llucha pola permanencia. El domingu que vien va tener otra visita a un equipu asemeyáu, el Getafe.

Ficha Técnica

Recreativo de Huelva: Riesgo; Morris, Iago Bouzón, Arzo, Casado; Barber; Sisi (Akalé, m.69), Javi Fuego (Sebastián Nayar, m.82), Camuñas, Aitor y Adrián Colunga (Marco Ruben, m.84).

Sporting de Xixón: Sergio Sánchez; Cámara, Gerard, Jorge, Canella; Michel, Diego Camacho (Lora, m.46); L. Morán (Omar, m.46), Carmelo, Maldonado y Mate Bilic (David Barral, m.57).

Goles: 1-0: M.6: Jorge (propia puerta). 2-0: M.55: Adrián Colunga.

Árbitru: Velasco Carballo (Comité madrileñu). Sacó tarxeta amariella a los xugadores locales César Arzo (m.51), Aitor Tornavaca (m.58) y Adrián Colunga (m.66) y a los visitantes Mate Bilic (m.31), Diego Camacho (m.45) y Michel (m.76).

Contador Estadistiques