Día del Llibru Asturianu

Presenten una ILP pa espardir les tv en llingües autonómiques

|

Una asociación vien de presentar más de 650.000 firmes nel Cogresu pa que les televisiones en gallegu, catalán y vascu puean vese fuera de les lindes d'estes comunidaes.

Acció Cultural del País Valencià (ACPV), -apoyada por sindicatos, asociaciones ciudadanes y representantes del mundu de la política como Jordi Pujol o Pasqual Maragall y de la cultura como Joan Manuel Serrat, José Carreres Y Antoni Tàpies)-, presentó güei una Iniciativa Lexislativa Popular (ILP) nel Congresu de los Diputaos que pretende promover la 'Televisión ensin fronteres', con un total de 651.650 firmes, de les cual 29.472 vienen de Baleares. Preténdese que televisiones como la catalana, la vasca o la gallega puean vese sin problemes en zones como la Comunidá Valenciana, Navarra o'l Bierzu.
 
Sobre les 11 de la mañana, el presidente d'ACPCV, Eliseo Climent, acompañáu del periodista Julián Garcia Candau; l'abogáu y asesor del presidente chilenu Salvador Allende, Enric Garcés; el pintor Joan Genovés; y l'escritor y políticu Ignasi Riera, destacó ante la puerta del Congresu qu'estes firmes van intentar llegalizar l'intercambiu de les televisiones y radios en llingua catalana, gallega y vasca.

En total, de les firmes presentaes en 85 caxes, 253.549 pertenecen a la Comunitat Valenciana; 321.150, a Catalunya; 29.472, a Baleares; 29.070, a Navarra; 16.141, a País Vascu, y 2.268 a otres comunidaes.
  
Por ello, consideró que, por cuenta de la elevada cantidá de firmes recibíes, les sociedaes catalana y valenciana "cumplieron",  al tiempu que'l restu de comunidaes, como Galicia, Navarra, País Vascu y Baleares, tiraron "p'alantre" y sumáronse a esta propuesta, por cuenta de que comparten los mesmos problemes que les comunidaes valenciana y catalana.
  
Climent destacó qu'esta iniciativa nació hai dos años, nel momentu en que la Generalitat valenciana dixo que TV3 "tenía que zarrase" na autonomía, anque "llevaba 26 años funcionando ellí". "Siempre hubiere problemes, que con diálogu se solucionaben, pero esta vez non", sorrayó.
  
Nesti sen, indicó qu'ante esta situación había dos opciones: "resignase o ganar por elevación". Por ello, analizóse qu'esti mesmu problema teníenlu comunidaes como Galicia col Bierzu, y Navarra con País Vascu y decidió optase por qu'estes comunidaes decidieren sumase a la ILP.
 
Carta Europea de les Llingües

Asina, optóse por esta ILP, en base a la Carta Europea de les Llingües, firmada en 1992 pol entós presidente de Gobiernu, Felipe González y ratificada por José María Aznar nel añu 2000, y que señala que "toles llingües minorizaes, tanto nes televisiones y radios públiques, tienen d'interconectase anque seya n'alministraciones distintes".
  
Amás, optóse pola Iniciativa porque en tola normativa europea de lo audiovisual esiste la filosofía de que'l mercáu cultural "ye indivisible". D'acordies con Climent, "nel casu valencianu atacábase a estos dos bases".
  
A lo último, señaló qu'agora'l problema "ta equí", -en referencia al Congresu-, y anque destacó que ye "complicao" que puea salir alantre, afirmó que si, polo menos, los partíos faen lo que defendieron nes sos comunidaes, "va tar ganao".
 
El casu asturianu
 
En payares de 2009, l’asociación “Leoneses por la Cultura Oral” (LECUORAL) pidió-y a la Junta de Castiella y Lleón que la TPA pudiera ser vista polos ciudadanos del país vecín, “yá que ye la única televisión qu’emite programes n’asturlleonés, llingua arreyada’l nuestru territoriu”.
 
Sicasí, la programación n'asturianu dientro de la canal pública ye tán curtia que nun queda nidiu si entra dientro d'esta ILP. Con too, la propia TPA emitió dellos capítulos de “Camín de Cantares” grabaos nel País Lleones.
 
El Navia-Eo

El presidente de la Xunta de Galicia, Alberto Núñez Feijoo, afirmó tamién en payares de 2009, que la TVG diba siguir viéndose tres l’apagón analóxicu nes “zones gallegofalantes que formen parte de les comunidaes autónomes d’Asturies y de Castiella y Lleón”.

L'executivu gallegu sorrayó que la estensión de la TVG A zones de comunidaes llenderes -como Asturies, El Bierzu (Lleón) y Sanabria (Zamora)- constitúi "una demanda social" y que diba facese "d'acordies y cola collaboración" de los otros gobiernos autonómicos.
  
Énte la polémica, la direutora xeneral de Política Llingüística del Principáu, Consuelo Vega, recordó al presidente de la Xunta, Alberto Núñez Feijóo, que les competencies ente Asturies y Galicia "acaben nes llendes exactes de los territorios".

Contador Estadistiques