Un diputáu del PP piensa que'l partíu va astenese na reforma llaboral

|

El diputáu del PP Ramón Aguirre considera que'l so partíu va abstenese'l próximu martes nel debate de convalidación de la reforma llaboral por entender que supón "una meyora".

Sicasí, fontes de la dirección nacional precisaron poco dempués que tovía ta por confirmar cuál va ser el sen del votu del Grupu Popular. La formación señala que tovía nun tomó la decisión porque tienen qu'estudiar con detalle la propuesta qu'aprobó'l Conseyu de Ministros.

En declaraciones en RNE, recoyíes por Europa Press, Aguirre indicó'l PP nun "va torgar" que se produza'l debate na Cámara Baxa sobre la reforma llaboral porque van poder "introducir meyores" yá que nel testu aprobáu pol Gobiernu "echen en falta" delles cuestiones como la negociación colectiva.

Nun torgar la tramitación
  
Por eso, dixo que'l so partíu va ver si na tramitación parllamentaria como proyectu de llei, el Grupu Popular algama incorporar alguna de les sos idees. "Nós consideramos que tamos ante una meyora y por esa razón nun vamos torgar la so tramitación y el so debate", aseguró, pa calcar en qu'al PP paez-y que "avanza nel sen correctu".
  
Eso sí, Aguirre sorrayó que la reforma llaboral "llega un poco tarde" porque los efectos de la so puesta en marcha "van sentise bien entráu nel 2011". Según añadió, tuvo dos años "mariándose la perdiz" y si se tomaren eses decisiones con muncho más tiempu, España yá taría "recibiendo los beneficios" d'esa reforma.

Contador Estadistiques