'Conceyo de Cantares' n'Eilao

El 19 de xunu va presentase n’Eilao ‘Conceyo de Cantares’, un CD con doce cantares n’eonaviegu que quier amosar la variedá de los conceyos del Parque Histórico del Navia.
 
El CD ta formáu por doce grupos y solistes, con cantares d’estilos bien estremaos, dende’l folk sentíu ya intimista o más convencional, el pop-rock, rock-folk… y cantares tradicionales del occidente, dalgunos d’ellos yá editaos y recopilaos y otros fecho pa la ocación.
 
El discu ta producíu ya iguáu polos Conceyos del Parque Históricu del Navia (Bual, Cuaña, El Franco, Grandas de Salime, Eilao, Navia, Pezós, Tapia y Villayón), al traviés de la Oficina de Coordinación Cultural y Llingüística y editáu cola collaboración de la Conseyería de Cultura y Turismu.
 
Francisco del Camín de Rozadas, Bacotexo, Herbamora, Elisa, Mestura, Mezá, Diaño Burlón, Cádaba, Tuenda, Hermaos del Herbaseca, Igor Medio y Lisardo Prieto, y Elena Mera Alonso formen los grupos ya intérpretes que son parte de “Conceyo de Cantares”, que cunta nos sos testos coales collaboraciones d’autores como Marisa López Diz, Carmen Trevías, Xosé Miguel Suárez Fernández, Tapia; Ricardo Saavedra Fernández-Combarro, Iván Iglesias Fernández, Cazarón; o Miguel R. Monteavaro, amás d’un buen númberu de collaboradores, como Xosé Antón Fernández, Ambás, Servando Fernández Méndez o Nacho Pérez González.
 
Con edición billingüe n’eonaviegu ya inglés, grabáu y amestáu en Tutu estudios de Corvera, Estudios d'Ángel Berdiales y los estudios de Manuel Viña, “Conceyo de Cantares”, ta editáu pol sellu Tierra Discos, S.L. de Cuideiru.
 
La presentación va entamar a les 20:00 hores nel Centru de Recréu de Folgueiróu (Eilao), con un conciertu de onde se va poder sentir al dúu ‘Mestura’,, la bandina ‘Os Altruaneiros’ y al grupo folk “Tuenda”.