Les ONGDs asturianes piden el fin de la "invasión" d'Iraq

Les ONGDs asturianes piden el fin de la “invasión militar estranxera” n’Iraq. Amás, nagüen por que la Conferencia Internacional de la Resistencia Política Iraquiana seya un ésitu.

La Coordinadora Asturiana de ONGDs camienta que puen ser decisivos pasos como'l sofitu al fortalecimientu de la sociedá civil, ente ellos la Conferencia Internacional de la Resistencia Política Iraquiana, eventu que ta previstu desenvolver n'Asturies los díes 18 a 20 de xunu, col sofitu d'instituciones asturianes y col compromisu d'instancies coles que la Coordinadora caltién relaciones d'alianza y colaboración como'l Comité de Solidaridá cola Causa Árabe.

La Coordinadora diz que nagua por que la Conferencia seya un ésitu, y anima a toles instituciones, partíos, sindicatos, organizaciones sociales, ilesies y coleutivos, a promover “dende la tradicional solidaridá asturiana”, la búsqueda de la paz y xusticia social n'Iraq.