La igualdá va ser un tema tresversal del Principáu cola nueva llei

La Llei d'Igualdá afita la obligación d'incluyir informes d'impactu de xéneru en lleis, decretos y planes, asina como la creación d'Unidaes d'Igualdá nes Conseyeríes como ferramienta.

Estes son algunes de les principales novedaes que va aportar la 'Llei del Principáu pa la Igualdá ente Muyeres y Homes y la Erradicación de la Violencia de Xénerula' , la primera del Estáu qu'integra "nun solu cuerpu normativu" les materies d'igualdá ente homes y muyeres xunto cola erradicación de la violencia de xéneru, según dixo la conseyera de Presidencia, Xusticia y Igualdá, María José Ramos, acompañada pola directora del Institutu Asturianu de la Muyer, María Fernández Campumanes.
  
La Llei tamién va permitir la creación de la 'Marca Asturiana d'Escelencia n'Igualdá', una reconocencia col que l'Executivu autonómicu va distinguir a aquelles empreses que destaquen na implantación de midíes pa la promoción de la igualdá na xestión de los recursos humanos, asina como meyores de la calidá del empléu de les muyeres.
  
D'esta manera, el nuevu testu busca desarrollar y ampliar les normatives estatales y consolidar les polítiques asturianes d'igualdá y llucha contra la violencia de xéneru dándo-yos amparu llegal, como l'Institutu Asturianu de la Muyer, el Conseyu Asturianu de la Muyer o la Rede de Cases d'Acoyida.
  
María José Ramos recordó que'l Conseyu de Gobiernu aprobó ayeri'l proyeutu de Llei n'incorporando al borrador les observaciones realizaes pol Conseyu Asturianu de la Muyer, con un ampliu consensu ente partíos políticos, sindicatos y asociaciones de muyeres, xunto cola FACC y la CES, polo qu'aspira a que'l trámite na Xunta cuente cola mesma collaboración de los grupos parlamentarios.
  
Y ye que va ser nel Parllamentu autonómicu onde se debata'l proyeutu de Llei pa la so aprobación definitiva y entrada en vixencia antes d'acabar el 2010. En concreto, la conseyera dixo que'l Gobiernu va enviar el documentu a la Xunta ente mañana y el llunes pa establecer los plazos nel actual periodu de sesiones, siendo tres el branu cuando se formalice la tramitación de la llei. "Ente ochobre y payares pue tar vista y aprobada", estimó.