ERC ve "irreversible" un referendu independentista

El presidente d'ERC, Joan Puigcercós, aseguró que Cataluña entamó un procesu "irreversible" haza un referendu independentista, tres l'almisión a trámite d'una IP.

La iniciativa popular foi presentada nel Parlament pola Coordinadora Nacional con esti oxetivu; un referendu sobre independencia. Puigcercós pidió l'apoyu de los partíos catalanistes pa que puea salir alantre.
  
Tres lleer un comunicáu oficial en rueda prensa y en tonu solemne, defendió que dar la palabra a los catalanes ye la meyor salida a una sentencia del Tribunal Constitucional (TC) que llamine l'Estatut. "Contra'l TC, referendu. Contra'l centralismu, democracia. Les víes xurídiques contra'l TC acabáronse", caltuvo.
  
Ante esti momentu trescendente, según Puigcercós, llamó a los militantes y simpatizantes d'ERC a priorizar, per delantre de l'actividá electoral, la recoyida de les 220.000 firmes necesaries pa que'l Parlamentu catalán alderique en plenu si decide convocar el referendu, amparándose na Llei de Consultes Populares.