Miguel Rojo repite con Pintar-Pintar

L'autor asturianu Miguel Rojo ta acabante de presentar un nuevu trabayu cola editorial Pintar-Pintar, trátase del álbum ilustráu "El príncipe, la nena y la so ma", llibru nel que los testos del escritor de Tinéu van acompañaos poles ilustraciones de Carlos Álvarez Cabrero.

El cuentu, que parte del testu del escritor guatemaltecu Augusto Monterroso "Cuando espertó, el dinosauriu tovía taba ellí", propónnos una divertidísima fábula na que los príncipes puen escondese nes mueles de los dinosaurios y les neñes son les heroínes de los cuentos de fades.
Miguel Rojo tien espublizaos abondos llibros pal públicu infantil, ente ellos rescamplen "Telva y los osos" (Trabe, 1994), "¿De qué tará fecha la lluna?" (Editorial Pintar-Pintar, 2008) o "El viaxe de Tin y Ton" (Editorial Pintar-Pintar, 2008), algamando ésti últimu'l Premiu de la Crítica d'Asturies.
Pel so llau Carlos Álvarez Cabrero ye pintor, grabador y dibuxante, y tien espuesto en delles sales de sonadía, ente elles el Muséu de les Belles Artes d'Asturies, sicasí esti ye'l so primer trabayu como ilustrador d'un álbum pa la reciella.