Sambre, Misiva y Moviejack actúen en Xixón

Los grupos asturianos de rock Sambre, Misiva y Moviejack ufren güei sábadu 5 de xunu, un conciertu nel pub Savoy de Xixón.

Los xixoneses Sambre vienen de sacar el so últimu discu, 'Na solombra', un trabayu referencia de folk-rock asturianu. Misiva va apurrir la so dosis punk-rock col que, nel añu 2010, y gracies al bon trabayu, fueron  finalistes de la XIV edición de los Premios de la Música de l'Academia de les Artes y les Ciencies de la Música, na categoría de Meyor cantar n'Asturianu, asina como finalistes del Premiu al Meyor Cantar 2010 de la Conseyería de Cultura y Turismu del Principáu d'Asturies. En septiembre ta previsto que publiquen el so nuevu trabayu, cola discográfica Algamar, casa cola que tamién graba Sambre.

Los uvieínos MovieJack van ser los encargaos d'abrir l'eventu. Caracterizaos por un estilu canalla y xavaz, esti quintetu ofrez nos sos conciertos un espectáculu cargáu d'enerxía y diversión que nun dexa indiferente a naide.
  
L'actuación va empezar a les nueve de la nueche. El preciu de la entrada va ser de cuatro euros, pese a que por doce euros l'asistente podrá facese tamién col discu de Sambre.