L'escritor José Luis Argüelles presenta güei 'Toma de Tierra'

L'escritor José Luis Argüelles va presentar güei'l so llibru 'Toma de Tierra. Poetes en Llingua Asturiana. Antoloxía (1975- 2010)', la mayor obra sobre poesía asturiana hasta güei.

L'actu va tener llugar a les 19.30 hores nel salón d'actos del Antiguu Institutu de Xixón. Según indicó 'Ediciones Trea' al traviés d'un comunicáu de prensa, esta antoloxía billingüe (castellán y asturianu) aspira a ofrecer al llector un panorama lo suficientemente ampliu de la poesía escrita n'asturianu a lo llargo de les últimes tres décades y media.
  
El volume editóse dende'l convencimientu de que'l llector en castellán tien asina la oportunidá d'averase a un corpus lliterariu que-y "va sorprender pola so calidá y variedá", según la editorial.
  
Estudiosos y críticos coinciden en que la poesía escrita n'asturianu dende los años de la transición democrática hasta los nuesos díes ye una de les grandes sorpreses -y la más desconocida- de les lliteratures peninsulares. 'Toma de tierra' quier contribuyir a mostrar la calidá y a remediar el desconocimientu.
  
Ente los 38 poetes escoyíos figuren Pablo Ardisana, Nel Amaro, Xosé Manuel Bolado, Manuel Ástur, Lluis Xabel Álvarez, Xosé Manuel Valdés, Xuan Xose Sánchez Vicente, Maria Teresa González, Roberto González-Quevedo, Taresa Fernández Lorences, y Luis Sala Riañu.