Día del Llibru Asturianu

La UE nun va mediar nel conflictu ente Turquía ya Israel

|

L'alta representante de la XE pa la Política Esterior y la Seguridá Común, Catherine Asthon, nun va mediar ente Turquía ya Israel pa solucionar la disputa pol asaltu a la flota d'ayuda a Gaza.

Ashton caltuvo numberosos contactos diplomáticos dende'l pasáu llunes, ente ellos col ministru d'Esteriores turcu, Ahmed Davutogu, y el xefe de la diplomacia israelina, Avigdor Lieberman, pero esto "nun tien d'interpretase como un intentu de mediar ente los dos países", según declaró esti miércoles una vocera del Executivu comunitariu. "Esto ye obviamente una cuestión billateral", añadió la vocera.
  
El principal barcu de la flota solidaria, el 'Mavi Marmara', yera de nacionalidá turca, igual que la principal ONG implicada na iniciativa. Amás, de les más de 600 persones que viaxaben a bordu del barcu, unos 400 yeren turcos. L'ataque del Exércitu hebréu calificólu de "terrorismu d'Estáu" el primer ministru turcu, Recep Tayyip Erdogan, y provocó la conxelación de les rellaciones diplomátiques ente Ankara y Tel Aviv.
  
Esti miércoles, el xefe de la diplomacia turca aseguró que'l so Gobiernu ta dispuestu a normalizar les sos relaciones con Israel si llevanta'l bloquéu a la Faza de Gaza. "Llegó'l momentu de que la calma sustituya a la ira", declaró Davutogu mientres una rueda prensa celebrada n'Ankara tres la so visita oficial a Estaos Xuníos pa tratar la crisis diplomática con Israel.
  
Mientres, la Xunión Europea repitió la necesidá de desarrollar de manera inmediata una investigación completa y "imparcial" de los fechos, investigación na que tien qu'haber una implicación internacional que se ta debatiendo nestos momentos ente la UE y los sos socios.

Contador Estadistiques