Día del Llibru Asturianu

Israel diz que nun sabotió'l barcu pa evitar que quedaren varaos

|

L'Exércitu israelín diz qu'optó por abordar el barcu solidariu argumentando que si optare pol sabotaxe la embarcación pudo quedar varada n'alta mar y provocar un desastre humanitariu.

Según reveló'l coronel Itzit Turgeman y recueye'l diariu 'Haaretz', el 'Mavi Marmara' yera demasiáu grande y rápido y de llograse detener los sos motores, sería bien costosu facelo llegar hasta la mariña, polo que los sos ocupantes -más de 600- pudieron quedar varaos n'alta mar mientres díes.
  
Esti oficial, que compareció ante'l comité d'Asuntos Esteriores y Defensa de la Knesset, dio a entender que l'Exércitu sí algamó sabotiar los motores de los otros cinco barcos más pequeños que componíen la flotilla -nos qu'amás nun se produxeron incidentes mientres l'abordaxe-, afirmando que "los efectivos que participaron na operación fixeron cargu d'ellos".
 
Per otra parte, el coronel Turgeman señaló que los soldaos atoparon pistoles en manes de dos de los activistes muertos y precisó que los sos cargadores taben vacíos, lo que daría a entender que se dispararon mientres l'asaltu.
  
Según relató, a les 4:20 hores de llunes, en comprobando que la cubierta del barcu paecía tar tranquila y que los pasaxeros taríen dormiendo, l'Exércitu optó por realizar l'abordaxe. Sicasí, cuando los efectivos de la Marina llegaron a bordu en saltando dende un helicópteru alcontráronse colos activistes atrincheraos esperándo-yos armaos con palos y otres armes.

Contador Estadistiques