Chávez aspira a llograr polo menos 110 diputaos nes parllamentaries

Hugo Chávez dixo que'l gobernante Partíu Socialista Xuníu de Venezuela aspira a llograr nes parllamentaries del 26 de setiembre polo menos 110 diputaos de los 167 en xuegu.

Mientres la toma de posesión del Comando Nacional de Campaña Bolívar 2010, Chávez pidió a los militantes del so partíu que faigan "el mayor de los esfuerzos" de cara a los próximos comicios. El PSUV dispón esti añu de 139 escaños, anque los llogró nunes eleiciones boicotiaes pola oposición.
  
"Nun ye esaxeración dicilo: Venezuela ye una patria socialista o nun ye una patria", señaló'l mandatariu, qu'apeló a la permanencia de lo que califica como "un procesu revolucionariu".
  
Nesti sen, Chávez destacó qu'hasta'l pasáu miércoles inscribiérense pol PSUV más de 14.5000 nuevos militantes y sorrayó qu'en cuatro díes recaudáronse 1,9 millones de bolívares fuertes (unos 357.000 euros) nel marcu de la xornada 'Un día sin salario'.