El TSXA anula'l sistema de nomamientos “a deu”

Según informa’l COFPA, el TSXA anuló'l sistema de nomamientu de llibre designación, “que s'utilizaba nos puestos d’ascensu o de xerarquía de la Sindicatura de Cuentes”.

Según informa’l COFPA, el TSXA anuló'l sistema de nomamientu de llibre designación, “que s'utilizaba nos puestos d’ascensu o de xerarquía de la Sindicatura de Cuentes”.La sentencia de 14 de mayu estima’l recursu entamáu pol Conceyu por Otra Función Pública n’Asturies frente al Alcuerdu del Conseyu de la Sindicatura, de 1 d'avientu de 2008, pol que se aprueba la rellación de puestos de trabayu d'esi Órganu de fiscalización.

Dientro de la rellación de puestos afeutaos pola anulación xudicial, alcuéntrense los d'auditores, lletraos, Subdireutor de Fiscalización y Xefe d'Alministración, “provistos pol mecanismu dedocráticu qu´agora se declara illegal”.

Según el COFPA, tomando en cuenta la naturaleza y les funciones del Órganu al que afeuta, con esta sentencia dase un pasu alantre d'especial importancia na configuración d´un sistema asturianu de Función Pública “ayenu a influencies partidistes y clientelares y sofitáu, n’esclusiva, nos principios d´imparcialidá, igualdá, méritu y capacidá”.