Día del Llibru Asturianu

Abbas: "la segunda Intifada foi ún de los nuesos peores errores"

|

El presidente palestín dixo que la Segunda Intifada foi "ún de los peores errores" de los palestinos, y afirmó qu'anque Yasir Arafat nun quería qu'empezara la violencia, "nun pudo parala".

"La Segunda Intifada (ochobre del 200) foi ún de los nuesos peores errores", llamentó Abbas nuna entrevista a una cadena de televisión exipcia. Esta fola de violencia entamó depués de que'l daquella líder de la oposición hebrea Ariel Sharon, visitara xunto con una delegación del Likud la zona esterior del recientu de la Cúpula de la Roca y la mezquita d'A'l Aqsa, col permisu de la seguridá israelina en Cixordania, lo que se vio como una provocación pela parte árabe.

Según Abbas, "Arafat nun quería qu'esta Intifada entamare, pero nun pudo parala", y calificó al so predecesor de "un pragmáticu más qu'un estremista". "La mio idea dende l'entamu de la Segunda Intifada foi que tenía de detenese, porque l'actividá armada destrúimos, y ésta, de fechu, destruyómos", indicó Abbas, citáu polos medios israelinos.
  
Coles mesmes, el presidente de l'Autoridá Palestina declaró que la paz n'Oriente Próximu puede llograse "nuna selmana, pero namás si Israel quier". Nesti sen, señaló que la paz interesa a dambes partes en conflictu y denunció que l'establecimientu d'un Estáu palestín retrasólu arremente'l Gobiernu de Benjamin Netanyahu.

Contador Estadistiques