Rojo defende l'usu de llingües cooficiales nel Senáu

|

El presidente del Senáu defendió l'usu de llingües cooficiales nel Senáu al tar amparaes pola Constitución y afirmó que nos parllamentos autonómicos hai traductores y nun pasa nada.

En declaraciones a Onda Cero recoyíes por Europa Press, Javier Rojo recordó que la Comisión Xeneral de Comunidaes Autónomes "recueye" l'espíritu constitucional de ser la cámara autonómica polo que, destacó, cuando acude un gobiernu rexonal pue facer el so discursu en "llingua cooficial" porque lu ampara la llei".
  
Asina, señaló la complexidá" y "dificultá" d'España y sorrayó que la so función, como presidente de la Cámara Alta, ye "aplicar la llegalidá". "Yo nun quiero facer más nacionalismu, sinón tolo contrario, pero, evidentemente, respeto'l nacionalismu que ta dientro de la Constitución", calcó.
  
De la mesma, recordó que'l Senáu ye la cámara autonómica que cuenta colos procedimientos que tienen d'utilizase y que la mesma Constitución "determina". Una llexislación que, apuntó, al que "nun guste" que "trate de cambiala" porque "eso ye la democracia".
  
"Montilla vien espresar la so opinión y la de la sociedá catalana sobre l'Estatutu. La llegalidá ye la que tenemos. Y si nun mos presta, que traten de cambiala, porque eso ye la democracia. Los procedimientos son los que son y los qu'hai qu'aplicar", sentenció Rojo.

Contador Estadistiques