Asturies rexistra 4.403 accidentes llaborales de xineru a marzu

Asturies rexistró un total de 4.403 accidentes llaborales nos meses de xineru a marzu d'esti añu 2010, frente a los 4.501 rexistraos nesi mesmu periodu nel añu 2009.

Lo que supón un descensu del 2,18 por cientu, según recueye l'Informe del Institutu Asturianu de Riesgos Llaborales. El mesmu informe recueye que del total d'accidentes rexistraos cuatro d'ellos foron mortales, mientres qu'otros 35 catalogáronse como graves.

La gran mayoría de los accidentes, 3.939 recistráronse na xornada de trabayu, mientres que 464 rexistráronse 'in itinere'. Por sexos, 3.245 accidentes sufriéronlos homes, frente a les 1.158 muyeres accidentaes.
  
Por sectores d'actividá, el de la industria foi'l que rexistró mayor siniestralidá con 1.446 accidentes rexistraos; síguelu'l sector de los servicios, con 1.684; la construcción con 708 accidentes y los 101 accidentes rexistraos nel sector primariu.