Ovidio Sánchez diz qu'hai muncha xente entusiasmao con Cascos

El presidente del PP dixo qu'hai muncha xente, "ente ellos él mesmu", que tán ilusionaos en tener un candidatu como Cascos, pero la so presencia depende d'él y del partíu.

"Van ser los estatutos del partíu los que marquen los trámites a siguir pa designar a los candidatos", manifestó Ovidio Sánchez, qu'añadió que "ye necesario que'l procesu siga con toa normalidá".

En declaraciones a los medios al acabar el Plenu de la Xunta, Sánchez, preguntáu pola supuesta carta d'apoyu d'alcaldes del PP n'Asturies a la candidatura de Francisco Álvarez Cascos, Sánchez indicó que "ye normal, porque hai muncha xente a la que-y prestaba que Cascos encabezara la llista".
  
Indicó qu'Álvarez Cascos lleva tiempu participando n'actos del PP, pero "paez qu'agora síguenlu parte de los medios con más atención". "Cascos ye un home del partíu y non ún cualquier", dixo'l presidente de los 'populares' asturianos.