Ganaderos tiren en Villaviciosa 12.000 llitros de lleche

Decenes de ganaderos protagonizaron una protesta en Villaviciosa pola situación qu'atraviesen los profesionales del sector llecheru, "ante les baxaes inxustificaes" del preciu.

Los ganaderos echaron a una escombrera na parroquia Cazanes 12.000 llitros de lleche, como señal simbólica de protesta énte lo que consideren una situación llímite.
  
La movilización entamóla Ganaderos Uníos y el so presidente, Pedro Egocheaga, cargó contra les "inxustificaes" baxaes del preciu de la lleche per parte de la Industria, que "afueguen" a los productores, dexándo-yos "a un tris de zarrar". Dixo que nun ye namás una midida qu'afecte a los profesionales d'Asturies, porque los de Galicia o Castiella y Lleón tamién tán sufriendo perxuicios.
  
En declaraciones a Europa Press, Egocheaga dixo que se sienten solos y sin nengún apoyu per parte de les Alministraciones. Amás fizo un llamáu a tolos profesionales pa que participen en protestes d'esti tipu y nun sigan "acomodaos" ante lo que ta pasando nel sector. "Sentímonos desprotexíos", señaló Egocheaga, qu'alvirtió de la posibilidá de nueves movilizaciones.