UNA pidirá la oficialidá “con toles lletres”

UNA va dir a la manifestación del vienres col lema ‘Querémoste, Oficialidá, con toles lletres’, "yá qu’esti marcu llegal supón tolos aspectos qu’aseguren futuru pal idioma".

Unidá Nacionalista Asturiana sofitará esti vienres 7 de mayu, Día de les Lletres Asturianes, la convocatoria entamada pola Xunta pola Defensa de la Llingua Asturiana, pa reclarar un añu más que se respeten los derechos de los asturfalantes pente medies d'un estatus llegal afayadizu pa la llingua asturiana.

El cortexu d'UNA presentaráse baxo'l lema "Querémoste, Oficialidá, con toles lletres" en tanto que la organización entiende que la oficialidá ha de suponer tolos aspectos qu'aseguren el futuru del asturianu: “tresmisión xeneracional, afitamientu nos medios de comunicación, normalización y prestixu social, inclusión dafechu nel sistema educativu y equiparación plena de derechos colos falantes de castellán”.

Asina mesmo UNA anima a participar a toles persones esmolecíes pola situación de la llingua d'Asturies a participar na manifestación amosando asina que la oficialidá tamién ye lo que más quieren.