Los colombianos d’Asturies recuerden a Henry Ramírez

El Colectivu de Colombianos Refuxaos n'Asturies convoca a los sindicatos y organizaciones a un actu en memoria'l d’Henry Ramírez, el 6 de mayu a les 20 hores na Plaza Mayor de Xixón.

El Coleutivu ‘Luciano Romero Molina’ recuerda qu’Henry Ramirez tuvo abellugáu n'Asturies nel segundu semestre del 2003 acoyíu pol Programa Asturianu d'Atención a Víctimes de la Violencia en Colombia, y que foi asesináu a balazos na so casa de la ciudá de Ibagué, delantre de la so familia, el 11 d'abril d’esti añu. El Coleutivu de Refuxaos Colombianos señala que refuga esti “crime infame” y espresen a la so familia, a la CUT, al partíu Lliberal y a les sos amigos les sos condolencies.

Henry foi presidente del Sindicatu de Trabayadores de la Industria de Bebides Alcohóliques, SINTRABECOLICAS-CUT, y nel momentu del asesinatu yera conceyal pol partíu Lliberal nel conceyu de Ambalema/Tolima, onde venía denunciando la corrupción de l'alministración local.

“Esiximos que nel nuesu país cese la impunidá y la guerra puerca contra los trabayadores, los dirixentes sociales y d'oposición y el defensores de los derechos humanos, por parte d'un sector de la patronal  y polos fascistes criollos empotraos nel gobiernu y nel congresu de la República”, apunten.

Recuerden que Luciano Romero Molina, quien da nome a l’asociación, ye un sindicalista que foi asesináu y que tuvo abellugáu n'Asturies. “Convidamos a caúna de les organizaciones qu'asistan al actu solidariu a tomar la palabra y espresar les sos razones y sentimientos frente al esterminiu de los sindicalistes y opositores de la pseudodemocracia colombiana”, señalen pa finar.