La nieve zarra'l pasu de camiones nel Puertu Payares

La nieve cayida obligó a zarrar el pasu de camiones pel Puertu de Payares. Amás, atópase zarráu al tráficu'l puertu de La Cubilla en Ḷḷena, según información del 112-Asturies.

Asina'l serviciu d'emerxencia encamienta l'usu de cadenes nel Puertu de San Isidro (Ayer) y nel Puertu Ventana. Pela so parte, son necesaries tamién pa circular nes carreteres secundaries AS-227 (Ponte de San Martín-Puertu de Somiedu); AS-230 (Barzana de Quirós-La Pola Ḷḷena ); AS-228 (Trubia-Puerto Ventana).
  
Según l'Axencia Estatal de Meteoroloxía (Aemet), los cielos van siguir mañana nublaos con aguaes débiles o llocalmente moderaes, que na mariña oriental mientres la madrugada puen ser llocalmente fuertes y con nube.
  
La cota de nieve va quedar nunos 800 metros y les temperatures van caltenese sin cambios o en llixeru descensu.