Cospedal insiste en qu'Asturies "tendrá'l meyor candidatu"

La secretaria xeneral del PP dixo que'l partíu va tener n'Asturies "el meyor candidatu" y aseguró que nun conoz l'escritu a favor de que l'ex ministru Álvarez-Cascos seya la cabeza de cartelu.

"Asturies va tener el meyor candidatu del PP, que va ser aquél que decida'l PP d'Asturies xunto a la direición nacional del partíu, pero la dirección rexonal tien un papel bien importante nesti asuntu, como nun pue ser d'otra manera", respondió María Dolores de Cospedal.
  
La prensa llocal asturiana asegura que los doce alcaldes del PP n'Asturies, ente ellos el d'Uviéu, Gabino de Lorenzo, y otros dirixentes del país soscribieron un documentu dirixíu al presidente del partíu, Mariano Rajoy, a favor de la designación de Cascos. Preguntada por esta carta na rueda prensa de güei tres el comité de dirección del PP, De Cospedal aseguró nun tener información.