Asturies ye la Comunidá onde más se ve la TV de pagu

La 1 de TVE ye la canal más vista nel país, siendo Asturies la Comunidá onde más se ve la TV de pagu y una de les poques autonomías onde les temátiques de la TDT nun llideren.

Los asturianos siguen prefiriendo La 1 de TVE, con un 18,9% d’audiencia, anque pierde un 1,4% d’espectadores. Telecinco ye la segunda canal favorita de los asturianos, ganado un 0,3% respeuto al mes anterior y quedándose col 16,6% d’audiencia.

Los canales de pagu tienen un share mediu n’Asturies del 13,4%, un 0,3% más, siendo’l nuesu país el territoriu del Estáu español con más persones en porcentaxe que paguen pa esfrutar de dalguna trasmisión deportiva, película o programa.

Un 1,8% medra’l conxuntu de canales temáticos de TDT, quedándose con un 12,5%, asina Asturies queda como una de les poques comunidaes onde estes canales nun llideren les audiencias.

Antena 3 (11,4%) pierde’l 0,4% d’espectadores, mientres que la TPA ye la sexta canal n’audiencia d’Asturies, perdiendo’l 0,7% d’espectadores y quedándose col 7,2% de share. Un 0,2% xuben laSexta (6,7%) y Cuatro (6%), mientres que La 2 de TVE (3,6%) pierde’l 0,7% d’espectadores.

Les televisiones locales asturianes pierden la metá de los sos espectadores y pasen del 0,2% al 0,1%, mientres que la TVG apaez nel nuesu país como la undecima televisión más vista, manteniéndose col 0,1% d’espectadores.