Día del Llibru Asturianu

Israel podría imponer sanciones a los prisioneros palestinos

|

El primer ministru israelín, Benjamin Netanyahu, ta considerando introducir un proyeutu de llei pa imponer sanciones a los prisioneros de seguridá palestinos.

La midida ye un intentu por presionar al Movimientu de Resistencia Islámica (Hamás) p'aprobar un alcuerdu d'intercambiu de prisioneros. El Comité ministerial pa la Lexislación, mientres, va debatir el próximu domingu un proyeutu de llei d'un diputáu sobre esta cuestión, que se retiró de l'axenda lexislativa hai dellos meses por pidimientu de Netanyahu. La idea ye establecer condiciones pa los prisioneros palestinos semeyantes a les del soldáu israelín Gilad Shalit, que permanez secuestráu, informa'l diariu 'Haaretz'.
  
Na introducción al so proyeutu de llei, el diputáu Danny Danon escribió qu'esta nueva llei busca "arreglar la situación absurda na qu'organizaciones terroristes secuestren a ciudadanos israelinos como moneda de cambiu, quitándo-yos les visites dafechu, mientres que miembros de les mesmes organizaciones terroristes que tán encarcelaos n'Israel puen recibir visitantes".  
  
La selmana pasada, col empiezu de la nueva sesión del Parllamentu israelín, el secretariu del Conseyu de Ministros, Zvi Hauser, declaró a los diputaos que podríen volver introducir esti proyectu de llei, pero pidióse-yos qu'esperaren dos selmanes pa que'l Gobiernu pudiera desarrollar una posición sobre esta cuestión y considerar introducir el  so propiu proyectu de llei.
  
Shalit nun recibió visites nin de la so familia nin del Comité Internacional de la Cruz Roxa (CICR) dende que lu garraron hai casi cuatro años. El proyectu de llei de Danon pondría fin a toles visites a los prisioneros palestinos encarcelaos pola so supuesta amenaza a la seguridá del Estáu israelín, quitando aquelles visites de los sos abogaos y una per parte del CICR cada trés meses.

Contador Estadistiques