La Comarca de la Sidra celebrá la llingua con lliteratura y lletres de pan

La Comarca de la Sidra va celebrar la Selmana de les Lletres col repartu de lletres de pan y la presentación de ‘Canigú Lliterariu’, que recueye la obra de 14 autores de la zona.

Celia Fernández Loredo, Iris Díaz Trancho, Xilberto Llano, Xulio Vixil Castañón, Xuan Pedrayes Obaya, Fernándo Fernández Suárez, Miguel González Pereda, Etelvino González López, Josefina Solares Fernández, Javier Cayado Valdés, Casilda Ríu, Xose María Valdés Costales, María Luisa Picado Amandi y Lluis Portal collaboren nesta antoloxía qu’inclúi prosa, poesía y teatru.
   
La presentación va ser el xueves 6 de febreru, a les 19:30 hores, nel Teatru Riera de Villaviciosa. ‘Canigú Lliterariu’ ta editáu pol Serviciu de Normalización Llingüística de la Mancomunidá col sofitu de la Conseyera de Cultura y Turismu.
 
Amás de la presentación d’esta antoloxía, la Mancomunidá va repartir otru añu más, como celebración del día de les lletres, el vienres 7 de Mayu, les tradicionales lletres de pan, per edificios públicos, centros educativos y establecimientos hosteleros. El númberu d’elles sube esti añu a 5000, mil más que l’añu pasáu, nun formatu de presentación nuevu y acompañaes nesta ocasin d’un testu de l’autora maliaya Tuxa Villaverde.
 
Amás d’estes dos actividaes principales, habrá diferentes actividaes distribuyes per tola selmana. Teatru n’asturianu, esposiciones rellacionaes cola llingua, cuentacuentos n’asturianu pa los neños y curtiometraxes n'asturianu.