VIII Folixa Primeru de Mayu

El coleutivu musical madrilanu San Blas Posse va presentar el próximu sábadu en Xixón el so últimu trabayu, 'Acordes de cambios', grabáu  por cuenta del so décimu aniversariu. El conciertu enmárcase dientro de la VIII Folixa Primeru de Mayu, el festival solidariu que va tener llugar el próximu sábadu, 1 de mayu,a partir de les 20 hores, na casa sindical de Xixón.

El cartelu del festival complétase coles actuaciones de los grupos asturianos Pelgares (Folk), K-Nalón (Hip Hop), KPE (Punk), Uppercuts (Garaxe) y The Black Panthys (Punk/Hardcore). Sobro l'escenariu de la casa sindical van tar tamién el monologuista Cellero y dellos DJ’s.

Les entraes pa esta octava edición tán yá a la venta en diversos puntos d'Asturies. Les localidaes van costar 5 euros antemanada y 7 en taquilla. Como n'anteriores ocasiones, l'eventu ta entamáu pol Fondu Unitariu de Solidaridá Obrera d'Asturies (FUSOA), y va sirvir pa recaudar fondos qu'ayuden a sufragar los gastos xeneraos nos conflictos llaborales.