Areces diz que'l PSOE asturianu nun ha tener mieu a Cascos

|

Areces dixo que nun esisten nenguna razón pa tener mieu a una posible candidatura de Cascos pol PP a la presidencia d'Asturies, yá que ye polémicu y polariza muncho al electoráu.

Areces fixo estes manifestaciones nuna entrevista concedida a la Cadena COPE y recoyida por Europa Press, na qu'esplicó que Cascos provoca grandes adhesiones, pero tamién grandes refugos, polo qu'una consecuencia de la so posible candidatura sedría que se concentre'l votu nel PSOE por parte del que nun quieran que seya presidente.

Asina, a xuiciu del presidente asturianu, Areces cree que Cascos "nun va alteriar sustantivamente les eleiciones n'Asturies si se presenta". El dirixente socialista esplicó que les encuestes nunca determinaron qu'Areces fuera un home decisivu, precisamente por esa capacidá de polarización del electoráu.
  
Amás, Areces tien la impresión de que Cascos va tardar en "resolver la incógnita" de si se presenta. Pero la razón principal ye qu'esisten sectores nel mesmu PP, tanto n'Asturies como en Madrid, que nun lo ven claro".
  
A Areces preguntáron-y tamién sobre si va volver él a presentase como cabeza de llista del PSOE, pero'l dirixente asturianu calcó en que namás va dar la so "opinión" al respeuto nel so momentu, respetando los plazos del partíu. A lo que sí se comprometió ye a facer tolo que tea na so mano pa que'l PSOE se presente "uníu" nes próximes elecciones.
  
"Presénteme o non, voi tar gobernando hasta l'últimu minutu", comentó, y dixo que los socialistes asturianos van facer una bona candidatura, "la que precisa Asturies pa siguir faciendo frente a esta situación". Amás, garantizó que n'Asturies nun va haber nengún problema sucesoriu nel PSOE.

Contador Estadistiques