Mercedes Álvarez condena la la agresión a Francisco Cuesta

La Conseyera de Cultura espresó la so condena pola agresión y les amenaces que sufrió'l nuevu direutor del Muséu Etnográficu de Grandas de Salime, Francisco Cuesta.

Cuesta presentó una denuncia énte la Guardia Civil con un parte médicu, según el cual sufrió un traumatismu y contusiones tres la supuesta agresión por un vecín de la zona.

"Vamos llegar hasta'l final de la investigación d'esti sucesu que refugo cola más absoluta rotundid´´a y que considero d'estrema gravedá porque fraya los principios básicos de la convivencia democrática", afirmó Mercedes Álvarez.

Pa la Conseyera, l'agresión a Francisco Cuesta foi pola so condición de direutor del Muséu Etnográficu de Grandas de Salime, polo que la responsable de Cultura del Principáu, quier convocar con calter inmediatu a la Xunta de Gobiernu del Muséu pa proponer acciones llegales contra l'agresor.

"Tábamos asistiendo a una campaña intolerable de crispadura y descreitu del Direutor del Muséu y esto derivó nun atentáu físicu y n'amenaces, lo cual resulta doblemente grave ya intolerable", apuntó pa finar.