Va haber Liet International nel 2014

La organización del Liet International anunció esta mañana que finalmente va haber festival nel añu 2014. El certame va tener como sede la ciudá baxosaxona d'Ollnborg el 12 d'avientu, nel teatru Kulturetage. La edición última del Liet celebróse nel Teatru de la Llaboral nel 2012, yá que l'añu pasáu Corsica refugó acoyer el festival européu de la canción en llingües minorizaes ensin dexar marxe d'aición a la organización pa buscar una sede nueva.

 

Asturies vien participando nesti certame nos años últimos col ganador del Premiu al Meyor Cantar y queda tovía pendiente de confirmación la presencia del nuesu país na edición del 2014. Dende la Banda de Gaitas El Trasno desconocen si van defender 'Volviche' n'avientu n'Alemaña.