La comedia llega a 'El gran teatru del mundu'

'Flores', una de les pieces d'humor surreal y tresgresor más reconocíes de Dolfo Camilo Díaz, va protagonizar la sesión de mañana de 'El gran teatru del mundu' (22 hores, RPA). Ana Ozores, na voz de l'actriz corverana María del Mar López Barrio, y Clarín,  na del avilesino Luis Barrera, protagonicen, xunto con Andrés Presumido y los actores del Grupu de Teatru Santa Bárbara de Llaranes José Luís del Río Gondell, Kike Roselló y Carmen Campo, un enlloquecíu 'vodevil' enllenu de policíes violentos, amor y sexu en forma de círculos viciosos. Arturo Martín encárgase de la direición téunica.

 

La emisión d'esti programa dirixíu por Camilo Díaz va completase con una entrevista a los actores protagonistes de 'Flores' y al monologuista Armando Felgueroso.