LI Festival Interceltique de Lorient (Année des Asturies)

Del 5 al 14 d'agostu celebróse n'An Oriant el LI Festival Interceltique de Lorient, qu'esti añu festexaba l'Année des Asturies. El país llevó una importante representación de lo que ye anguaño la música asturiana, tanto na programación oficial del certame celta más importante del mundu como na propia del pabellón d'Asturies, y una amuesa de la so cultura y gastronomía. Adrián Barbón, presidente del Gobiernu, y Berta Piñán, conseyera de Cultura, Política Llingüística y Turismu, desplazáronse hasta Breizh pa sofitar a la delegación, ente otres autoridaes, siendo la primer vegada qu'asocedía una visita a tan altu nivel.