Finó'l suañu de l'ACB del Unión Financiera, que completó una temporada sobresaliente

L'Unión Financiera Asturiana OCB nun pudo forciar el quintu partíu de la segunda eliminatoria pol ascensu a l'ACB tres cayer ayeri nun enllenu polideportivu de Pumarín por 51-63 énte'l Quesos Cerrato. L'equipu palentín, poro, va lluchar por ganar el derechu deportivu a competir na máxima categoría del baloncestu estatal col Ford Burgos.

 

Los de Guillermo Arenas, debutantes en LEB Oru, ponen el ramu asina a una temporada que namái pue calificase de sobresaliente. Sestos na lliga regular, los uviedinos eliminaron nel camín pol ascensu al Leyma Natura d'A Coruña y plantaron cara al Quesos Cerrato, segundu clasificáu.