Vaudí & Banda

Un grupu de llocos pola música van amosar talentu, enerxía, diversión y profesionalidá escénica. Una hora bruxa na que dibuxarán garabatos de placer, d'allegría y d'auténtiques ganes de pasalo bien. Vaudí & Banda ye un combu qu'asocia a xeniales músicos llatinos y asturianos que, de cantar a cantar y nota a nota, provoquen la meyor de les histeries coleutives. Lo qu'empieza siendo un suave cimbléu de costazos y cadriles acaba nuna coreografía na que hasta les paredes suden d'emoción.


Vaudí & Banda ta formáu por Leo Duarte (batería), Sergio García (percusión), Oscar Santos (baxu), Agustín Lara (trompeta), Silvia Fernández (guitarra y coros), Samuel Rodríguez (teclaos y coros) y Vaudí Cavalcanti (guitarra y voz).
Hora: 22:30 h