Selmana de les Lletres Asturianes

SACO 7: 'El soníu del arte. Vol. 3'

9 Marzu, 2021
hasta el: 
9 Mayu, 2021
SACO 7: 'El soníu del arte. Vol. 3'

Kely, María Blanchard, Reyes Díaz, Maite Centol, Angelica Kauffmann y Carolina del Castillo son seis de les artistes con obres que se pueden contemplar nel Muséu de Belles Artes d'Asturies. Dende agora, les seis tán xuníes amás por 'El soníu del arte. Vol. 3', una de les propuestes artístiques de la Selmana del Audiovisual Contemporaneu d'Uviéu (SACO), fecha en collaboración cola pinacoteca asturiana, na que la pintura dialoga col diseñu de soníu cinematográficu.

Nesta ocasión los diseñadores de soníu David Machado y Javier Pato envuelven seis obres pictóriques con pieces sonores que se podrán escuchar y disfrutar hasta'l 9 de mayu. La escoyeta de la tercera edición de 'El soníu del arte' inclúi les obres siguientes: 'Ensin títulu', de Kely; 'Retrato de joven', de María Blanchard; 'Verano por la tarde', de Reyes Díaz; 'Ensin títulu', de Maite Centol; 'San José con el Niño', de Angelica Kauffmann; y 'Camino del Llosón (Jove)', de Carolina del Castillo.

Cada espectador podrá escuchar les pieces sonores al traviés del so móvil y de los sos propios cascos. Les obres llevarán un códigu QR qu'enllazará de forma direuta cola pieza sonora escoyida.
Hora: M-V: 10.30-14 y 16.30-20.30 / S: 11.30-14 y 17-20 / D: 11.30-14.30

Sitiu: 
Muséu de Belles Artes d'Asturies
Localidá: 
Uviéu
Tipu d'eventu: 
Esposiciones
Contador Estadistiques